Harry Kane ayaa iskaga tagaya Tottenham oo Man City ugu biiraya 160 Milyan oo pound oo ah rekoodhka Premier League isaga oo mushahar ahaan u qaadan doona £400,000 noqonayana xiddiga ugu mushaharka badan horyaalka. (Sun)
City ayaa diyaar u ah inay Gabriel Jesus, Riyad Mahrez iyo mid ahaan Bernardo Silva ama Raheem Sterling ugu bandhigto Tottenham heshiiska ay kaga doonayso Kane. (FourFourTwo)
Spurs ayaa xiisaynaysa daafaca Atalanta ee Cristian Romero waxaana ay ka gudbiyeen dalab 34 Milyan oo pound ah oo lagu daray 8 Milyan oo pound oo gunnooyin ah. (Mail)
Atalanta ayaa doonaysa in heshiiska Romero qayb lagaga dhigo daafaca Tottenham ee Davinson Sanchez. (Gianluigi Longari for Sportitalia)
Kylian Mbappe ayaa diidaya dalabaadka heshiis kordhinta ee uu PSG ka helayo waxaana uu qalbiga gashaday Real Madrid walow ay kooxdu doonayso inay u keento xiddiga Man United ee Paul Pogba oo ay xulka France ka wada tirsan yihiin. (Marca – in Spanish)
Pogba ayaa la filayaa inuu xagaagan ka tago Man United kaddib markii uu diiday heshiis uu toddobaadkii £350,000 ku qaadanayo oo ay kooxdaasi usoo bandhigtay, kooxda ayaan doonayn inay bilaash ku weydo xagaaga dambe. (Mirror)
Manchester United ayaa sidoo kale ku dhibtoonaysa inay Real Madrid kula heshiiso saxeexa Raphael Varane, Madrid ayaa 50 Milyan oo pound doonaysa halka United ay 40 Milyan oo pound la diyaar tahay. (Mirror)
AC Milan ayaa doonaysa inay Chelsea qaab amaah ah kaga qaadato xiddiga ree Morocco ee Hakim Ziyech. (Calcio Mercato – in Italian)
Liverpool ayaa ku jirta kooxo dhawr ah oo ree Yurub ah oo doonaya saxeexa 24 sano jirka AC Milan ee khadka dhexe ee Franck Kessie. (Gazzetta dello Sport)
Arsenal ayay u sheegtay dhigeeda Sheffield United inay in ka badan 32 Milyan oo pound kasoo dhiibaan saxeexa goolhaye Aaron Ramsdale oo 23 sano jir ah kaddib laba dalab oo ay hore uga diideen. (Times – subscription required)
Chelsea ayaa wadahadalo ay heshiis cusub kaga saxeexanayso da’yarka daafaca midig ee Dujon Sterling bilawday, tababarayaasha horumarinta ee kooxdaas ayaa la dhacay hab soo kabashadii 21 sano jirkaas oo dhaawac halis ku ah waayihiisa ciyaareed kasoo laabtay. (Football.London)
Chelsea ayaa sidoo kale xiisaynaysa goolhaye Sergio Romero oo xor ah kaddib markii uu dhacay heshiiskiisii Man United, 34 sano jirkaas ayay u rabaan dookha saddexaad iyo inuu ka dambeeyo Kepa iyo Edouard Mendy. (Telegraph – subscription required)
Arsenal khadkeeda dhexe ee Granit Xhaka ayaa ku dhaw inuu AS Roma heshiis rasmi ah ugu biiro, Roma ayaa doonaysa inuu 28 sano jirkaasi tababarka ka horreeya xilli ciyaareedka ee ay Switzerland ku leeyihiin kala qayb galo. (Mail)
Aston Villa ayaa toddobaadka dambe dalab ka gudbin karta weeraryahanka River Plate ee Julian Alvarez. (TNT Sports – in Spanish)
Liverpool ayaa hoggaaminaysa saxeexa 16 sanno jirka kooxda Newcastle United ee Bobby Clark oo uu dhalay xiddigii hore ee Newcastle ee Lee. (Mail)
