Xulalka Netherland/Holland iyo Czech Republic ayaa foodda isku daraya wareegga 16ka tartanka qaramada Yurub iyadoo uu midkood u gudbi doono siddeedda.
Holland ayaa wareeggii hore kusoo dhamaysatay qaabkii ugu wanaagsanaa, soona badhisay dhamaan saddexdii ciyaarood ee Group C, iyadoo soo dhalisay goolashii ugu badnaa. Czech Republic ayaa iyaguna kasoo gudbay Group D oo ay kaalinta labaad ka galeen waxaana ka horreysay England.
Labadan waddan ayaa ku sugan magaalada Budapest ee waddanka Hungary iyagoo ku wada ciyaaaraya garoonka Puskas Arena.
Midkooda soo gudba waxa uu waajihi doonaa Denmark oo xalay soo karbaashtay Wales.
Tababaraha xulka qaranka Netherlands ee De Boer waxa uu ciyaartan kusoo bilaabay shaxdiisa ugu adag oo ay ku jiraan Wijnaldum oo ah kabtanka, De Jong, Memphis Depay iyo Malen.
Dhinaca Czech, waxa hoggaaminaya xiddiga saddexda gool saxeexay ee Schick oo sidoo kalena dhaliyey goolka ugu qurux badan tartanka illaa hadda.
Shaxaha rasmiga ah ee Netherlands vs Czech Republic:
Netherlands XI: Stekelenburg, Dumfries, De Vrij, De Ligt, Blind, Van Aanholt, De Roon, Wijnaldum, De Jong, Depay, Malen.
Czech Republic XI: Vaclík; Coufal, Celustka, Kalas, Kaderábek; Soucek, Holes; Masopust, Barák, Sevcik; Schick.
