Kooxda Manchester United ayaa dhigeeda ay magaalo xifaaltamaan ee Man City siinaysa lacag si dadban uga galaysa suuqa xagaagan iyadoo lacagtaasi ay kaga baxayso saxeexa Jadon Sancho.
Man United iyo Borussia Dortmund ayaa wali ka wada hadlaya saxeexa Sancho, Red Devils ayaa xilli horeba heshiiska shaqsiga ah la gaadhay 21 sano jirkaas balse kooxdiisa ayaa wali u muuqata mid kubad adag ciyaaraysa.
Xagaagii hore ayay ahayd markii Man United ay bixisay inay lacag 120 Milyan oo pound ah ka bixiso saxeexa Sancho, Dortmund ayaa xagaagan uga soo degtay 82 Milyan oo pound sida ay wararku sheegayaan.
Man United ayaa hadda u muuqata mid ogol inay lacagtaas ku dhawaa 80-ka Milyan ee pound ah bixiso balse BVB ayaa wadata qoddobo dhigaya inay 20 Milyan oo pound oo kale ku hesho shuruudo gunnooyin lagu xidhayo,
Haddaba, haddiiba uu dhaco heshiiskaasi oo rasmi noqdo oo ay Manchester bixiso lacagta 82-ka Milyan ee pound ah ayay 12 Milyan oo pound ka qaadan doontaa Dortmund.
Sababta ay City lacagtaas u helayso ayaa ah in markii ay da’yarka English-ka ah ka iibinayeen Dortmund sanadkii 2017 ay ku dareen qoddob dhigaya inay iibkiisa mustaqbalka 15% ku yeelan doonaan.
