Jamie Carragher ayaa lagu qasbay in uu xidho timo dumar oo midabkoodu Pink yahay, xilli uu falanqaynayay kulankii Manchester United iyo Villarreal ee finalka Europa League.
Halyeyga Liverpool ayaa hore u galay sharad, kaas oo ahaa in uu timo dhaadheer oo Pink ah xidhan doono haddii Liverpool ay badiso kulankii Old Trafford ee ay Manchester United kaga badiyeen 4-2.
Telefishanka Maraykanka ah ee CBS Sports oo si toos ah u tabinayay kulankii finalka EUROPA LEAGUE, ayaa waxa kasoo muuqday Carragher oo xidhan timo Pink ah, waxaana ku maadsaday falanqeeyeyaashii kale ee kula sugnaa istuudiyaha.
Wariyaha ciyaaraha Kate Abdo, ayaa kulankii Manchester United iyo Liverpool, waxay usoo jeediyey Carragher, in uu xidho timahan, haddii Liverpool laga badiyo, laakiin 43 jirkan ayaa kasoo horjeedsaday soojeedinta Kate, waxaanu doortay in uu xidhan doono timaha haddii ay Liverpool garaacdo Man United.
Kate Abdo ayaa ku tidhi Carragher intii aanay bilaabmin ciyaartii Liverpool iyo Man United ee Old Trafford: “Carra, haddii Liverpool laga badiyo, waa in aad xidhato timo PINK ah.”
Jammie Carragher oo ka jawaabayay hadalka Kate ayaa yidhi: “Haddii ay Liverpool guuleysato, finalka Europa League ayaan xidhan doonaa timaha dhaadheer ee bulka ah.”
Waxa kale oo uu intaas raaciyey Charragher, in uu samayn doono qoob ka ciyaar sidii uu joogo baar lagu cawaynayo oo kale.
Ugu dambayntii waxa lasoo gaadhay finalka Europa League ee Arbacadii ee ka dhacay magaalada Gdansk ee waddanka Poland, waxaana uu Jamie Carragher xidhay timihii uu shuruudda ku galay.
Halkan ka daawo sidii uu sharadka ku galay:
Jamie Carragher : “If Liverpool win, I’ll wear a wig for the Europa League final” #MUNLIV @Carra23 @MicahRichards @UCLonCBSSports pic.twitter.com/tzclc3G1Tn
— Kate Abdo (@kate_abdo) May 13, 2021
