Manchester City ayaa maanta la gudoonsiiyay koobkoodii 7aad ee horyaalka Premier League iyagoo xilli ciyaareedka horyaalka Ingariiska ku soo xiray guul weyn oo 3-0 oo ay ka gaareen kooxda Everton.
Kooxda Pep Guardiola ayaa fursad u heshay maanta inay taageerayaashooda hortooda ku qaadaan koobka horyaalka iyagoo Etihad ku dheelay kulankii ay xasuuqeen Everton ee lagu soo xirayay xilli ciyaareedka.
Kevin de Bruyne ayaa kulankii maanta hogaanka u dhiibay City ka dib caawin uu ka helay Riyad Mahrez iyadoo De Bruyne uu isna markiisa caawiye u noqday Gabriel Jesus oo saxiixay goolkii labaad ee ciyaarta.
Labadaas gool ayaa lagu kala nastay qeybtii hore ee ciyaarta iyadoo Man City ay si weyn u maamuleysay ciyaarta. Qeybtii labaad ayay Man City halkeeda ka sii waday gooldhalinta.
Phil Foden ayaa dhaliyay goolka seddexaad ka dib caawin uu ka helay Raheem Sterling. Sergio Aguero oo dheelay kulankiisii ugu danbeysay ee Manchester City ayaa ku maamusay gool uu dhaliyay oo ahaa goolkii afaraad ee Manchester City.
Afar daqiiqo ka dib Aguero ayaa mar kale shabaqa soo taabtay isagoo labo gool oo degdeg ah ku dhaliyay shan daqiiqo gudaheed oo uu garoonka soo galay, waxaana labada gool caawiye ka ahaa Fernandinho.
Waxay ciyaarta ku soo dhamaatay 5-0 oo ay Manchester City ku xasuuqday kooxda Everton.
Manchester City ayaa garoonka Etihad lagu gudoonsiiyay koobka horyaalka Premier League iyagoo ku hor dabaaldegay taageerayaashooda oo loo ogolaaday.
Share this:Tweet 1 Fekrad xasanolol467@gmail.com says: May 23, 2021 at 9:12 pm
Mancity 5 goal iyo 0 ayay ku badisay Isla saxa qaladka aad soo qoraysaan
ReplyAragti Ka Dhiibo Warbixintaan Cancel reply
Email-kaaga Lama Soo Bandhigi Doono.
Halkaan Hoose Ku Qor Fekerkaaga
Email *
