Horyaalka waddanka Ingiriiska ee Premier League ayaa lasoo gunaanadayaa maalinta Axadda, iyadoo galabnimada ay ciyaari doonaan dhamaan 20ka kooxood oo ciyaarahoodu ay isku waqti bilaabmi doonaan.
- Advertisement -
Dagaalka kaalmaha ugu hooseeya ee saddexda kooxood ee dib ugu laabanaya heerka labaad ee Championship ayaa mar hore dhamaaday, waxaana horyaalka laga cidhibtiray Sheffield United, West Brom iyo Fulham, kuwaas oo ay soo beddeli doonaan Norwchi Metropolis, Watford iyo mid ka mid ah afarta kooxood ee isreeb-reebka ku jira ee Brentford, Swansea Metropolis, Barnsley iyo Bournemouth.
Laakiin halka uu dagaalka ugu adag ka taagan yahay ee illaa daqiiqadda ugu dambaysa uu isbeddelku ku iman karo ayaa waxay tahay kaalmaha saddexaad, afraad, shanaad, lixaad illaa toddobaad oo ay kooxuhu sanka isku hayaan.
Chelsea, Leicester iyo Liverpool ayaa isku maran oo saddexaad iyo afraad ku dagaallamaya, waxaana ugu fursad fiican Blues oo ku jirta saddexaad laakiin Axadda u tegaysa Aston Villa, halka Liverpool oo afraad soo gashay ay Crystal Palace la ciyaari doonto iyo Leicester oo shanaad u dhacday oo Tottenham martigelin doonta.
Saddexdan kaalmood ayaa toddobaadkan isbeddel ku dhacay, waxaana Leicester oo saddexaad ku jirtay kasoo badisay Chelsea oo 2-1 ku garaacday kalana baxday booska, waxaana usii raacisay Liverpool oo xalay 3-0 kaga badisay Burnley, farqiga goolasha oo afar ahna kaga sare martay.
Waa sidee kulamada u hadhay kooxahan?
Leicester Metropolis iyo Chelsea ayaa ah kuwa imtixaanka ugu adag maraya ee la saadaalinayo in midkood uu ka dhacayo sallaanka horyaalka afarta sare, uuna ka ciyaari doono Europa League xilli ciyaareedka dambe, laakiin Liverpool ayaan iyaduna nabad-qab ka ahayn in sidaasi ku dhacdo.
Koox kasta oo laga badiyo waxay halis ugu jirtaa in ay ka maqnaato Champions League xilli ciyaareedka dambe, balse haddana xaaladaha kooxuhu means sii kala daran yihiin.
Kulamada ay ciyaarayaan
Liverpool vs Crystal Palace
Aston Villa vs Chelsea
Leicester Metropolis vs Tottenham Hotspur
Maxaa dhacaya haddii Liverpool guuleysato, laga badiyo ama barbarrayso?
Jawaabta su’aashan ayaa fasir buuxa ka bixinaysa sida wax noqonayaan, waxaana iyadoo aanu qodobaynay ay tahay sidan:
Haddii Liverpool badiso, waxa damaanad u ah in ay afarta sare ku dhamaysanayso oo ay ka sarrayn doonto Leicester Metropolis xataa haddii ay soo badiso maadaama ay afar gool ka horreyso. Tani waxay ka dhigan tahay in Leicester ay shanaad ku dhamaysan doonto, haddii Chelsea ay soo garaacdo Aston Villa.Haddii Liverpool ay guuleysato, Chelsea na barbarro la gasho Aston Villa, Liverpool ayaa soo gelaysa kaalinta saddexaad ee horyaalka Premier League, halka Blues ay afarta sare ka bixi doonto haddii sidani dhacdo oo Leicester na kasoo badiso Tottenham.Haddii Liverpool barbarro gasho ama guul-darro la kulanto, isla markaana ay guuleysato Leicester, waxay Reds ku dhamaysan doontaa kaalinta shanaad iyadoo Europa League ka ciyaari doonta.Haddii Chelsea ay barbarro gasho ama laga badiyo oo ay Liverpool iyo Leicester guuleystaan, kaalinta shanaad ayay Blues geli doontaa.Haddii Leicester aanay helin natiijo ka wanaagsan midda Liverpool oo labadoodaba laga wada badiyo amaba ay wada barbarreeyaan, Leicester ayaa kaalinta shanaad ku dhamaysan doonta.
