Paris Saint-Germain ayaa ku fikiraysa in kabtanka Barcelona ee Lionel Messi uu qayb ka noqdo qorshaheeda xilli ciyaareedka dambe, isla markaana waxay u diyaariyeen dalab uu lacago badan ku helayo iyo sannado uu ka ciyaaro Parc des Princes.
Lionel Messi oo heshiiskiisa Barcelona uu ku eg yahay bisha June ee muddada koobani innaga xigto, ayaa wali aan saxeexin qandaraas cusub oo kooxdiisa uu kula sii joogayo, laakiin PSG ayaa go’aansatay in wax walba oo ay ku kacayso ay lasoo saxeexato laacibkan.
Kaddib markii ay Manchester Metropolis ka reebtay tartanka Champions League toddobaadkan, isla markaana ay cidhiidhi kaga jiraan horyaalka Ligue 1 oo lagu haysto xilli ciyaareedkan, waxay doonayaan in isbeddel ay ku sameeyaan safka xiddigahooda ayna keenaan ciyaartooyo guulaha u go’aamin karaya.
Wargeyska Le Parisien ayaa shaaciyey in PSG ay doonayso in ay iska xoojiso saddex meelood oo ay waliba keento ciyaartooyo heer caalamiga ah. Waxa uu qorshahoodu yahay in ay keenaan hal ciyaartoy ee xiddig weyn ah (Lionel Messi), khad dhexe iyo difaac midig.
Le Parisien waxa uu intaa ku daray in Lionel Messi uu yahay ‘xiddiga weyn ee heerka caalami ah’, ayna wax walba u samaynayaan sidii uu u iman lahaa Parc des Princes oo uu uga garab ciyaari lahaa Neymar iyo Kylian Mbappe oo iyagana ay kooxdu ka shaqaynayso in ay heshiisyo cusub saxeexaan.
Tababare Mauricio Pochettino ayaa waxa kale oo uu doonayaa, in haddii ay waayaan Lionel Messi in ay beddelkiisa lasoo saxeexdaan Mohamed Salah oo Liverpool ah.
Labada ciyaartoy ee kale ee khadka dhexe iyo difaaca midig ayuu Pochettino u calaamadsaday Georginio Wijnaldum oo Liverpool si bilaash ah kaga tegaya ama Eduardo Camavinga oo ah 18 jir u ciyaara kooxda Rennes, halka difaaca difaaca midigna la tibaaxay in uu noqonayo Serge Aurier oo Tottenham u ciyaara.
