Manchester United ayaa shaacisay magacyada 24 ciyaartoy oo maanta u safray waddanka Talyaaniga, halkaas oo ay lugta labaad ee semi-finalka Europa League kula soo ciyaari doonaan kooxda AS Roma.
Daniel James ayaa laga reebay liiska ciyaartoyda Manchester United, waxaanu kulanka lugta labaad ee semi-finalka ku seegayaa dhaawac, laakiin da’yarka Anthony Elanga ayaa laga soo qaaday kooxda heerka labaad oo lagu soo daray, sidoo kalena goolhaye Nathan Bishop ayaa ku jira ciyaartoyda safray.
Anthony Martial iyo Phil Jones ayaan wali kasoo kabanin dhaawacyo ay ku maqnaayeen in muddo ah, laakiin Ole Gunnar Solskjaer ayaa wada haysta dhamaan ciyaartoydiisa kale, iyadoo Marcus Rashford uu taam ka noqday jugo kusoo noqnoqonayay usbuucyadii ugu dambeeyey.
Manchester United oo sannadkii 2017kii ku guuleysatay Europa League iyadoo uu Jose Mourinho hoggaaminayo ayaa waxay doonaysaa in soo afjaraan abaarta koobab la’aanta ee sannadihii ugu dambeeyey haysatay.
Lugtii hore ee Roma ay kula ciyaareen Outdated Trafford ayay Man United ku badisay 6-2, waxaanay garoonka Olympic Stadium ee magaalada Rome tegayaan iyagoo lug kula sii jira finalka oo kaliya u baahan in ay shabaqooda ilaashadaan amaba goolal badan aan laga dhalin.
Xiddigaha Manchester United ee kulanka Roma:
Goolka : David De Gea, Dean Henderson, Lee Grant, Nathan Bishop.
Difaaca : Victor Lindelof, Eric Bailly, Harry Maguire, Luke Shaw, Alex Telles, Aaron Wan-Bissaka, Brandon Williams, Axel Tuanzebe.
Dhexda : Paul Pogba, Juan Mata, Fred, Bruno Fernandes, Amad, Nemanja Matic, Donny van de Beek, Scott McTominay.
Weerarka : Edinson Cavani, Marcus Rashford, Mason Greenwood, Anthony Elanga.
