Gareth Southgate iyo Harry Maguire ayaa difaacay John Stones ka dib qaladkiisii kulankii England ay 2-1 kaga badisay Poland waxayna ku ammaaneen doorkiisa guusha iyadoo England ay 9 dhibcood ka heshay seddexdii isreebreeb ee Koobka Adduunka.
England ayaa hogaanka qabatay xalay kadib rigoore uu dhaliyay Harry Kane laakiin Poland ayaa lagu abaalmariyay goolka barbaraha daqiiqadii 58-aad kadib markii John Stones uu kubbada ku tuuray goolka hortiisa.
Stones ayaa ka aarguday qaladkiisa markii uu ka caawiyay guusha Harry Maguire shan daqiiqo oo ka harsan.
Isaga oo ka hadlaya qaladkii daafaca ee John Stone, Southgate ayaa u sheegay ITV Sport: “Wuxuu ku guulaystay inuu is dejiyo inta ciyaarta ka hadhsan wuxuuna qayb ka ahaa goolka guusha ee muhiimka ahaa.
“Markaad qalad sameyso waad wareeri kartaa laakiin isagu ma uusan sameynin.
“Wuxuu ku raaxeysanayaa xilli ciyaareed aad u wanaagsan, qalad ayuu sameeyay caawa wuuna ogyahay, laakiin wuu ka soo kabtay qaladkiisii intii ay ciyaarta socotay, waana inuu sii wadaa sidaas.”
Harry Maguire ayaa taageeray Stones wuxuuna yiri: “Stones waxay leeyihiin sanad wanaagsan marka waxaan nahay daafacyo, qaladaad ayaan sameynaa, markaan khalad sameyno dambiile ayaan nahay.
“Sida iska cad wuxuu sameeyay qalad yar laakiin wuxuu ku gudbay si wanaagsan, waxaan u sheegay inuu sii socon doono waana guuleysan doonaa, wuuna sameeyay.
“Waxaan nahay daafacyo, marwalba waan qalad galnaa, dabcan ma jeclin inaan qalad sameyno laakiin mararka qaar goolal ayaa inaga khaldan, marwalba ma fiicna.
“John qalad yar ayuu ku leeyahay ciyaarta, laakiin wuxuu la soo laabanayaa isagoo ka xoog badan sidii hore.”
