Waxa la sameeyay isku aadka wareegyada siddeed dhammaadka iyo afar dhammaadka tartanka UEFA Champions League iyadoo ay koox kastaa ogaatay ugu horreynba cida ay la ciyaarayso wareega siddeeda iyo waliba cida ay afar dhammaadka ku kulmayaan haddiiba ay soo baxaan.
Aan ku bilawnee kooxda Manchester City oo kamid ah kooxaha ugu cad cad hanashada Champions League ayaa ku aaday dhigeeda ree Germany Borussia Dortmund waxaana la isku daawan doonaa iyaga iyo Erling Haaland oo ay saxexiisa doonayaan.
Si lamid ah City, Chelsea ayaa u muuqata mid iyaduna heshay dalabkii ay isha ku haysay kaddib markii ay ku aadeen dhigooda FC Porto oo Portugal metelaysa.
Kulanka kale ee xiisaha badan haddiiba uusan ahayn midka ugu xiisaha badan ayaa ah midka ay ku kulmi doonaan kooxaha Bayern Munich iyo Paris Saint-Germain oo labaduba ah kooxaha ugu cad cad ku guuleysiga koobka, kulankan ayaa ah ku celiska Final-kii tartanka ee 2020.
Sidoo kale waxa jira ku celiska Final-kii 2018 maadaama oo ay kooxda Real Madrid ku aaday dhigeeda Liverpool oo ay ku kulmeen kulankii kama dambaysta ahaa ee sanadkaas,
Afar dhammaadka ayaa isaguna ah mid kooxda soo baxda kulanka FC Porto-Chelsea ay ku aadi doonto kooxda soo baxda Liverpool-Real Madrid halka kooxda soo baxda kulanka PSG-Bayern Munich ay ku aadi doonto mida soo baxda Man City bs Dortmund,
