Steven Gerrard ayaa wax laga weydiiyay mustaqbalka Liverpool, iyadoo Jurgen Klopp uu cadaadis saaran yahay ka dib lix guuldarro oo xiriir ah oo ka soo gaadhay Anfield, kooxduna waxay u dhacday kaalinta sideedaad ee Premier League.
Reds ayaa ku dhibtooday xilli ciyaareedkan, waxaana ugu weyn dhaawacyo durba arkay dhammaan qadka dhexe oo macsalaameeyay, oo ay ku jiraan Virgil van Dijk, Joe Gomez iyo Joel Matip, waxaa ku xigay Jordan Henderson oo qalliin lagu sameynayo. Waxaa la qabtay, Naby Keita iyo Diogo Jota seddex bilood, iyo ciyaartoyda kale sidoo kale waqtiyo ayey maqnaayeen sidii Fabinho.
Kadib guuldaradii Liverpool ka soo gaadhay Fulham horaantii todobaadkan, waxaa soo baxday in kooxdu raadineyso bedelka Jurgen Klopp, iyadoo liis ka kooban afar bedel oo uu ugu horeeyo Steven Gerrard.
Halyeeygii hore ee Liverpool Gerrard oo todobaadkan kula guuleystay Horyaalka Scottish Premier League kooxda Rangers ayaa la weydiiyay hadii uu diyaar u yahay qabashada shaqada wuxuuna sheegay in ay tahay waqti hore in laga fiirsado tababbarka kooxdiisii hore ee Liverpool
Gerrard ayaa sidoo kale sheegay inuu jeclaan lahaa inuu ku laabto Anfield laakiin markan jamaahiirta Red iyo maamulka waxay rabaan Jurgen Klopp wuxuuna yidhi: “Waan jeclahay isaga (Klopp) taageerayaashuna ma doonayaan inaan hadda noqdo tababaraha Liverpool, waxay doonayaan Jurgen Klopp sii ahaado tababaraha Liverpool gabi ahaanba waan la jiraa.
Kama hadli karo arintan (bedel Klopp), sababtoo ah waxaan heysanaa mid ka mid ah tababarayaasha ugu fiican ee hogaamiya kooxdeena waana jeclahay.
Waxaan rajeynayaa inuu sii joogo sanad kale, shaqo ayaan halkaan ku haystaa (Rangers) umana maleynayo inay iga caawin doonto ka hadalka arintaas, laakiin waxaan kaliya doonayaa Jurgen inuu sii joogo Liverpool sanad kale.
Liverpool Steven Gerrard ayaa ciyaaray 710 kulan tartamada oo dhan iyo 19 sano oo uu kula guulaystay 9 koob.
