Khadka dhexe ee kooxda Real Madrid ee Casemiro ayaa farriin digniin ah oo u muuqata cago juglayn u diray xilli ay labada kooxood habeen dambe iskaga hor imanayaan kulan labadaba muhiim u ah oo ah wareega ugu dambeeya ee Group-yada.
Xiddiga ree Brazil ayaa kusoo bilaaban doono khadka dhexe ee kulanka Estadio Alfredo Di Stefano ka qabsoomi doona waxaana uu sii muujiyay kalsooni weyn kahor ciyaarta.
Casemiro oo farriintiisa u diraya Borussia ayaa sheegay in ugu horreynba kulanku Final yahay oo iyagana Real Madrid lagu baray in aysan Final-ada ciyaarin uun balse ay guuleystaan.
Casemiro oo ka hadlayay shirka jaraa’id ee ka horreeya kulankaas ayaa yidhi “Waynu ognahay in berri uu jiro kulanka ugu muhiimsan sanadka oo dhan”
“Dhammaantayo waanu ognahay in berri ay tahay Final, waa inaanu kulanka u wajahno sida inuu yahay Final oo kale”
“Kooxdan waxa nalagu baray in aanad ciyaarin uun Final-ada, inaad guuleysato, kama hadlayno wax aan ka ahayn guul, waanu ognahay inay yihiin koox wanaagsan oo naga soo horjeeda oo ay yihiin kooxda ugu sarreysa Group-ka, sidaas darteed waa inaanu midaas ixtiraamno, laakiin waxaanu u baxaynaa si aanu u guuleysano”
