Manchester United ayaa lagu waramayaa inay ogolaatay inay 150 milyan euro oo u dhiganta 133 milyan ginnu kula soo wareegto Ansu Fati xagaagii la soo dhaafay iyagoo heshiiska la gaaray wakiilkiisa Jorge Mendes laakiin Barcelona ayaa diiday inay qalinka ku duugto heshiiska.
United ayaa dooneysay inay la saxiixato 18 jirkaan kaasoo ka mid ah xiddigaha da’ yar ee ugu fiican dunida.
Sida ay sheegtay jariirada Sport tababare Ole Gunnar Solskjaer ayaa doonayay inuu keensado xiddiga garabka ka ciyaara ka dib markii uu ku guuldareystay saxiixa xiddiga Borussia Dortmund Jadon Sancho.
United ayaa isku dayday inay lacag qaali ah ku keensato Fati inasktoo dhibaato dhaqaale ay heysato. Waxay qarka u saaran yihiin inay qasaaraan xilli ciyaareedkan ku dhawaad 200 milyan ginni.
Fati ayaa qandaraaskiisa Barcelona lagu burburin karaa 400 milyan euro oo u dhiganta 357 milyan ginni.
Da’ yarkaan ayaa durbaba 43 kulan u saftay kooxda Barcelona isagoo u dhaliyay 13 gool islamarkaana caawiye ka noqday shan gool kale.
Waxaa intaas sii dheer in Fati uu qeyb ka noqday xulka Spain oo uu u saftay afar jeer.
Si kastaba, wuxuu haatan ku maqan yahay dhaawac halis ah oo garoomada ka ilaalinaya muddo afar bilood ah.
