Xilli ciyaareedka 2020/21 ee horyaalka waddanka Ingiriiska ee Premier League ayaa gunaanadkiisa la isku diyaarinayaa, waxaana laba ciyaarood kaddib ay kooxuhu soo afjari doonaan xilli ciyaareedkooda oo mid walba xaalad u gaar ah ugu dhamaanaya.
- Advertisement -
Horyaalka oo ay ku guuleysatay Manchester Metropolis, sidoo kalena la xaqiijiyey saddexda kooxood ee u dhacaya heerka labaad oo noqday Sheffield United, West Brom iyo Fulham, waxa uu wali dagaal ka taagan yahay kaalmaha saddexaad iyo afraad ee labada naadi ee Champions League usoo raaci doona Manchester Metropolis iyo Manchester United.
Sidoo kale, waxa dagaal ku jira dhawr kooxood oo u dagaallamaya sidii ay uga mid noqon lahaayeen kooxaha ka ciyaari doona tartanka Europa League ee xilli ciyaareedka dambe.
Waxa kale oo hadhsan, xiddiga horyaalka Premier League ee xilli ciyaareedkan, kooxda sannadka iyo boos walba laacibka ugu fiican.
Intaas oo dhan kaddib, waxa kale oo jiri doona in koox walba ay magacaabi doonto xiddigeedii ugu fiicnaa xilli ciyaareedka dhamaaday.
Haddaba, ma qiyaasi karaysaa ciyaartoyga ugu fiican naadigaaga xilli ciyaareedkan?
Xog ururin la sameeyey ayaa kasii jawaabtay su’aashan, waxaana halka ugu xaasaasisan ay ka taagan tahay Manchester Metropolis oo Kevin de Bruyne lagala baxay xiddignimada sannadkan ee kooxdiisa iyo midka ugu wanaagsan horyaalka Ingiriiska ee abaal-marinta PFA ee uu sannadkii hore qaatay.
Difaaca reer Portugal ee Ruben Diaz ayaa ah ciyaartoyga ugu wanaagsan Manchester Metropolis sannadkan, sidoo kalena Manchester United ayaa shaki la’aan uu xiddigeeda yahay Bruno Fernandes, halka Arsenal uu Alexandre Lacazette kasoo hormarayo Bukayo Saka iyo Liverpool oo uu Mohamed Salah hormood u noqonayo.
Waa kan xiddigaugu wanaagsan koox walba oo Premier League?
Arsenal: Alexandre Lacazette
Aston Villa: Jack Grealish
Brighton & Hove Albion: Yves Bissouma
Burnley: James Tarkowski
Chelsea: Mason Mount
Crystal Palace: Wilfried Zaha
Everton: Dominic Calvert-Lewin
Fulham: Alphonse Areola
Leeds United: Stuart Dallas
Leicester Metropolis: Wilfred Ndidi
Liverpool: Mohamed Salah
Manchester Metropolis: Ruben Dias
Manchester United: Bruno Fernandes
Newcastle United: Callum Wilson
Sheffield United: David McGoldrick
Southampton: James Ward-Prowse
Tottenham Hotspur: Harry Kane
West Bromwich Albion: Matheus Pereira
West Ham United: Tomáš Souček
Wolverhampton Wanderers: Pedro Neto
