Tababaraha kooxda Arsenal Mikel Arteta ayaa fariin u diray dhamaan ciyaartoydiisa maadama ay kooxdu sii wado hoos u dhaca ku yimid kadib guuldarooyin xiriir ah oo ay dhawaanahan la kulantay.
- Advertisement -
Arsenal ayaa ku bilaabatay masiibo xilli ciyaareedka iyada oo kaliya 14 dhibcood ka heshay 14 kulan oo ay ciyaartay iyo 4 dhibcood oo ay ka ka sarreeya aagga dib u laabashada.
Qaab ciyaareedka liita ee Mikel Arteta ayaa culeys badan saaray, mustaqbalkiisa garoonka Emirates ayaana su’aal laga keenay, iyadoo taageerayaal badan ay dalbadeen in shaqada laga eryo.
Ka hor inta aysan isku dhicin Carabao Cup caawa kooxdiisii hore ee Manchester City, Arteta ayaa qirtay inay khatar tahay xaqiiqda ah inay hoos u dhacaan oo ay weydiistaan ciyaartoyda inay isdajiyaan.
Mikel ayaa yidhi “Marka aad booskan joogto ee aad leedahay dhibcaha aanu leenahay wakhti xaadirkan waa inaanu ahaano kuwo taxadir leh, sababtoo ah wakhti badan maanaan joogi jirin booskan”.
“Haddii aan bilaabo aqrinta dhamaan faallooyinka, ha fiicnaadaan ama ha xumaadeene, waxay iga dhigi doonaan kuwo waalan. Talada aan siinayo dhamaan ciyaartoyda waa isku mid, marwalba way ka dhacdaa baraha bulshada.
Faallooyinka Arteta waxay u muuqdeen sidii inuu uga digayo xiddigaha kooxda inay aqriyaan faallooyinka ay taageerayaashiisu ku leeyihiin waqtigan adag dhanka baraha bulshada.
