Manchester United ayaa waajahaysa saddex kooxood oo horyaalka Premier League ah muddo shan maalmood gudahood ah, waxaanay galabta dheelaysaa kulanka hore ee waqtiga cidhiidhiga ah, halka ay Salaasada iyo Khamiistana sugayaan kulamo adag oo ay ka hor tegayso Leicester Metropolis iyo Liverpool.
- Advertisement -
Kooxda kubadda cagta Aston Villa ayaa galabnimada maanta waxay garoonkeeda Villa Park ku qaabbili doontaa Manchester United, waana kulanka u horreeya ee saddex ciyaarood oo adag oo min hal maalin kali ahi u dhaxaynayaan.
Tababare Ole Gunnar Solskjaer ayaa dagaal badan u geli doona maanta sidii ay kooxdiisu dhibco ugu lumin lahayn Villa Park, si uu dib ugu sii dhigo in Man Metropolis ay ku guuleysato horyaalka Premier League ayna sugto illaa kulanka dambe.
United oo ku jirta kaalinta labaad ee horyaalka Premier League, waxa damaanad u noqon doona booskeeda Champions League haddii ay kulamadan cidhiidhiga ah badiso, waxaanay ku dhamaysan doontaa booskeeda, laakiin haddii ay Aston Villa, Leicester iyo Liverpool ay ka badiyaan amaba laba ka mid ah kulamadan, waxay United usoo dhici doontaa kaalmaha hoose.
Purple Devils oo kasii fikiraysa finalka Europa League ee ay dhamaadka bishan la ciyaari doonto Villarreal, waxa uu tababaraheedu ku hanjabay in uu ciyaartoydiisa muhiimka ah qaarkood nasisan doono oo uu laacibiinta kaydka dheelsiin doono, si uu dhaawacyo iyo daal uga badbaadsado xiddigihiisa muhiimka ah.
Xogta kulanka
Ciyaarta: Aston Villa vs Manchester United
Tartanka: Premier League
Waqtiga: 4:05pm – Saacadda Geeska Afrika
Garoonka: Villa Park
Wararkii u dambeeyey labada kooxood
Aston Villa waxa ka maqan kabtankooda Jack Grealish oo dhaawac ah, isla markaana 11kii ciyaarood ee ugu dambeeyey seegay. Laacibkan reer England ayaa kusoo laabtay tababarka Sabtidii laakiin kulankan ayaa degdeg ku ah.
Mason Sanson oo jilibka ka dhaawacan ayaa isaguna maqan, waxaanu kusoo tababarka kusoo laaban doonaa usbuuca dambe halka Trezeguet uu garoomada macasalaameeyey bishii hore.
Manchester United oo seegay kulankii AS Roma ee Khamiistii ayaa shaki la gelinayaa, sidoo kalena Anthony Martial iyo Phil Jones ayaan wali kasoo kabanin dhaawacyo, mase jiraan wax kale oo dhaawac ah oo walaac gelin kara Solskjaer.
Purple Devils ayaa la filayaa in ay isbeddello samayso kulankan maadaama ay Khamiistii kulan adag la ciyaareen Roma, sidoo kalena sugayaan laba ciyaarood oo kale oo afar maalmood gudahood ay la kala ciyaarayaan Leicester Metropolis iyo Liverpool.
Shaxaha macquulka ah ee labada kooxood
Aston Villa: Martinez; Money, Konsa, Mings, Targett; Luiz, McGinn; Traore, Barkley, El Ghazi; Watkins
Manchester United: Henderson; Wan-Bissaka, Lindelof, Maguire, Shaw; Fred, McTominay; Rashford, Fernandes, Pogba; Cavani
