Rio Ferdinand Oo Magaacbay 3 Xul Oo Ugu Cad-Cad Ku Guulaysiga.
Daaficii hore ee England iyo Manchester United Rio Ferdinand ayaa aaminsan in seddex xul oo kaliya ay awoodaan inay ku guuleystaan Euro 2024.
- Advertisement -
Koobka Qaramada Yurub ee sida weyn loo wada sugayo ayaa bilaabanaya Jimcaha soo socda iyadoo martigelinayasha Germany ay la ciyaari doonaan Scotland garoonka Bayern Munich ee Allianz Arena.
24-xul oo ka kala socda qaarada Yurub ayaa isku dayaya inay gaaraan Final-ka 14-ka July isla markaana ay xaqiijiyaan koob uu dhawaan qaaday xulka Talyaaniga oo rigoorayaal kaga qaaday England finalkii Euro 2020.
Ferdinand, oo ah halyeey England u saftay 81, ayaa si dabiici ah u doonaya seddexda libaax inay soo afjaraan 58 sano oo ay sugayeen koob weyn, waxaana uu u arkaa kooxda Gareth Southgate mid ka mid ah seddexda xul ee ugu cad-cad tartanka.
Ferdinand ayaa sidoo kale aaminsan in xulalka France iyo Portugal yihiin xulalka kale ee ugu cad-cad ku guulaysiga tartanka.
Ferdinand ayaa yiri: “Waxaan rabaa inaan nasiib wacan u rajeeyo Xulka Scotland iyo xulka England”.
“Waxa aan aniga ahaan waxa aan qabaa in xulalka Portugal, England iyo France yihiin kuwa ugu cad-cad, ma arko cid kale”.