Kabtanka Real Madrid Sergio Ramos ayaa ku soo laabtay tababarka ka dib qaliin jilibka ah wuxuuna rajeynayaa inuu ka caawiyo kooxdiisa inay mar kale u soo baxdo La Liga iyo Champions League.
- Advertisement -
Ramos, oo mustaqbalkiisa Real Madrid uu yahay mid walwal badan, qandaraaskiisuna dhacayo 30-ka June, ayaan wali heshiis cusub ka gaarin, taasoo shaki gelinaysa mustaqbalkiisa garoonka Santiago Bernabeu.
Markii la weydiiyay mustaqbalkiisa intii lagu jiray filim dokumenti ah oo cinwaan looga dhigay ‘Legend Sergio Ramos’ oo lagu sii daayay Amazon, 34 jirkaan ayaa ka hadlay mustaqbalkiisa kooxda ka dib markii uu ka soo laabtay dhaawac.
“Ugu dambayntii waxaan ku soo laabtay kooxda, waxa ugu muhiimsan ayaa ah inaan gaarnay heerkaan waxaan doonayaa inaan ka caawiyo qaab ciyaareedka wanaagsan,” ayuu yiri.
Sergio Ramos ayaa tilmaamay inuu rajeynayo inuu koobab ku guuleysto xilli ciyaareedkan, wuxuuna yiri: “Waxaan rajeynayaa inaan ku guuleysan doono koob weyn oo aan siin doono taageerayaasha.”
Markii wax laga weydiiyay mustaqbalkiisa Real Madrid, wuxuu ku jawaabay: “Waxaan jeclaan lahaa inaan wax sheego, laakiin wax walba waa isku mid (wax heshiis ah lama gaarin).
“Waxa aan ka fekerayaa waa sida aan u soo laabto oo aan xilli ciyaareedka ku dhammeeyo sida ugu fiican ee aan awoodo. Ma jiro wax hadal ah oo ku saabsan kordhintayda, laakiin waxaan jeclaan lahaa inaan wax kuu sheego.
“Waan daganahay kaliya waxaan ciyaarayaa oo aan ku guuleysanayaa koob.”
Markii la weydiiyay inta sano ee uu ciyaari karo, wuxuu ku jawaabay: “Waxaan ka ciyaari karaa heerka ugu sareeya shan sano oo kale. Haddii aysan jirin dhaawacyo halis ah, maskaxdaydu way caawin doontaa.”
