Liverpool Oo Doonaysa Saxiixa Daafac Wacdaro Dhigaya
Liverpool ayaa lagu soo waramayaa inay ka fiirsaneyso inay isku daydo saxiixa daafaca RB Leipzig Josko Gvardiol marka la gaadho suuqa kala iibsiga xagaaga.
Gvardiol ayaa kaliya ku jira xilli ciyaareedkiisii labaad ee kooxda Bundesliga ka dhisan waxana uu sidoo kale kula jiraa heshiis ilaa dhamaadka 2026-27.
- Advertisement -
Si kastaba ha ahaatee, horumarka degdega ah ee 21-sano jirkaan ayaa horseeday in lala xiriiriyo mid ka mid ah kooxaha ugu waaweyn kubada cagta Yurub bil kasta.
Chelsea ayaa aad u doonaysay xiddiga intii lagu jiray suuqa kala iibsiga xagaaga laakiin kooxda Leipzig ayaa diiday xiisaha kooxda Chelsea.
Gvardiol ayaa dhawaan ka hadlay wararka ku saabsan mustaqbalkiisa waxana uu qirtay in uu doonayo in uu wakhti uun ku biiro Premier League.
Sida laga soo xigtay saxafiga David Lynch, Liverpool ayaa isku dayi doonta saxiixa xiddiga Gvardiol kaas oo ay u dhaqaaqi doonto suuqa xagaaga.
