Wasiirka gaashaandhigga: Imaatinka ciidamada Eritrea waxay dhabar jab ku tahay argigixisada iyo cid kaste oo nabadda dhib ku haysa

Arbaco, December, 21, 2022 (AX) – Wasiirka gaashaandhigga Soomaaliya, Cabdiqaadir Maxamed Nuur, ayaa shaaciyay inay maanta dalka kusoo laabteen qaar katirsan ciidamada Soomaaliyeed ee tababarka kusoo qaatay dalka Eritrea.Hogaamiye Xasan Sheikh ayaa maalmo kahor sheegay in dhammaadka bishaan December ay billaabanayso keenista ciidamada Eritrea ku maqan, isagoo tilmaamay qeybta ugu dambeysa inay imaan doonaan bisha koowaad ee sannadka cusub.

Wasiirka gaashaandhigga ayaa sheegay in ciidamadan ay ka qeyb qaadan doonaan howlgallada dalka looga xoreynayo kooxda Alshabaab, howlgalladaas oo hadda laga gaaray guulo waawayn oo taariikhiya.

- Advertisement -

“Alxamdulillaahi, maanta ayay  suuragashay inay qeybtii ugu horreysay dalka kasoo dagto. Waxay dhabar jab ku tahay Khawaarijta, iyo cid walba oo nabadda iyo dalka guud ahaan dhib ku haysa,” ayuu yiri wasiirka gaashaandhigga Soomaaliya.

Wasiirka waxaa uu sheegay inay dowladda Soomaaliya ka go’an tahay dib u xoraynta dalka, iyo inay sidii waddo, tababarada iyo tayaynta ciidamada xoogga dalka Soomaaliyeed, kuwaas oo kaalin mugleh ka geysteen la dagaalanka Alshabaab.

This website uses cookies to improve your experience. We'll assume you're ok with this, but you can opt-out if you wish. Accept

Privacy & Cookies Policy