Mudaharaado maalintii saddexaad ka soconaya Laascaanood

Khamiis, December, 29, 2022 (AX) – Mudoharaado lagaga soo horjeedo dilalka qorshaysan ee lagu laayay qaar kamid ah haldoorkii gobolka Sool, ayaa saaka dib uga qarxay magaalada Laascaanood.Dadweyne cadhaysan ayaa wadooyinka ku jaray dhagaxaan, sidookale, waxay gubayaan taayiro, ganacsiga magaalada, ayaa gabi ahaanba xidhan saaka, iyadoo ay shacabku codsanayaan in wax laga qabto dilalka lagu beegsanayo haldoorka gobolka.

Mudaharaadada ayaa bilaabmay 27 December kadib markii dablay aan la aqoonsani toogasho ku dishay Cabdifataax Cabdillaahi Cabdi, oo ka tirsanaa masuuliyiinta xisbiga WADDANI ee gobolka, markaasi oo 3 qof ku dhinteen 9 kalena ku dhaawacmeen isku dhac dhexmaray booliiska iyo dad cadhaysan.

- Advertisement -

Hogaamiyaha Gobaladda Waqooyi oo shalay warbaahinta la hadlay, ayaa ku baaqay in talaabo adag oo wada-jir ah la qaado si xal buuxa loogu helo dilalka loo maaro waayay ee lagu beegsanayo shacabka gobolka.

Qaar kamid ah masuuliyiinta xilalka ka haya xukuumada Gobaladda Waqooyi ee gobolka kasoo jeeda ayaa is casilay, iyadoo kooxaha kubada cagta ee Xidigaha Cirka iyo Asluubta oo Hargaysa u joogay ka qaybgalka Tartanka Horyaalada Gobaladda Waqooyi, ay joojiyeen ciyaarihii ay yeelan lahaayeen.

Xukuumada Gobaladda Waqooyi oo dadaalo badan u gashay suguda nabada Laascaanood, ayaan wali ku guulaysan in ay hesho cida dhabta ah ee ka danbaysa dilalka shacabka lagu gumaadayo.

Abdilahi Geel-maal, Axadle

This website uses cookies to improve your experience. We'll assume you're ok with this, but you can opt-out if you wish. Accept

Privacy & Cookies Policy