Hogaamiye Xasan Sheikh Maxamuud iyo dhiggiisa William Ruto oo kulan ku yeeshay magaalada Addis Ababa
Axad, February, 19, 2023 (AX) – Hogaamiyaha Soomaaliya Xasan Sheekh Maxamuud ayaa kulan doceed kula yeeshay magaalada Addis-ababa, Hogaamiyaha dalka Kenya William Ruto.Madaxtooyada Soomaaliya ayaa sheegtay in madaxweyne Xasan Sheikh Maxamuud uu la wadaagay dhiggiisa Dalka Kenya dadaallada ku aaddan halganka isku dhafka ah ee ciidamada iyo shacabka Soomaaliyeed ay wadaan ee dalka lagaga xoreynayo Alshabab.
Hogaamiyaha Kenya William Ruto ayaa dhankisa sheegay in dalkiisu uu si buuxda u taageerayo ka mid noqoshada Soomaaliya ee Dalladda Bulshada Bariga Afrika (EAC).
- Advertisement -
William Ruto ayaa tilmaamay in dalkiisa ay saameyn toos ah ku yeelanayso xaaladda Soomaaliya, muhiimna ay u tahay xasilloonida Gobolka geeska Afrika.
Hogaamiye Xasan Sheekh ayaa u sheegay dhiggiisa Dalka Kenya in Dowladdiisu mudnaanta siinayso yareynta khilaafaadka iyo xasillooni darrada Gobolka.
