Galmudug oo deegaannada howlgallada xorayntu ka socdaan ka mamnuucday Qaadka

Arbaco, January, 25, 2023 (AX) – Wasaaradda Amniga gudaha ee dowlad goboleedka Galmudug ayaa ka mamnuucday deegaannada ay dib u xoreynta ka socdaan ee Galmudug in la geeyo Qaad/Jaad.

Warsaxaafadeed maanta kasoo baxay wasaaradda Amniga gudaha Galmudug, ayaa lagu sheegay, Qaadku inuu caqabad weyn ku yahay howlgallada socdo.

- Advertisement -

Wasaaraddu waxay digniin u dirtay ganacsatada, iyo cid walba oo ku howlan geynta qaad deegaannada iyo degmooyinka ay ka socdaan howlgallada dib u xoreynta Galmudug, sida Xarardheere, Ceeldheer, Galcad iyo deegaannada hoos taga.

“Gaarigii lagu qabto isagoo wado Qaad/Jaad, dowladda Galmudug ayaa la wareegi doonto, Qaadka saarana waa la gubi doonaa, wadaha gaarigan ciqaab adag ayuu la kulmi doonaa,” ayaa lagu yiri warsaxaafadeedka.

Weerrarada Alshabaab ay geystaan aroorta hore sida kuwii ugu dambeeyay ee ka dhacay deegaanada la xoreeyay, ayaa la sheegay inay sabab u yihiin isticmaalka ciidamada ee maaandooriyaha jaadka.

Waxaa la isku waafaqsan yahay inuu meesha ka saaro feejignaanta ciidamada.

Dhawaan, wasaaradda gashaandhigga ayaa sheegtay inay askartu rasaastooda qaad ku iibsadaan, sidoo kale qaadku uu yahay meelaha laga helo sirta ciidanka.

This website uses cookies to improve your experience. We'll assume you're ok with this, but you can opt-out if you wish. Accept

Privacy & Cookies Policy