Faysal Cali Waraabe oo ka hadlay dhicitaanka liisanka xisbiyada siyaasada Gobaladda Waqooyi

Isniin, December, 26, 2022 (AX) – Guddoomiyaha xisbiga mucaaradka Gobaladda Waqooyi ee UCID Faysal Cali Waraabe, ayaa waxba kama jiraan ku tilmaamay war-saxaadeeda guddida diwaangalinta ururadu ku sheegtay in uu dhacay liisankii sharci ee xisbiyada Kulmiye, WADDANI iyo UCID.Faysal waxa uu sheegay in guddida diwaangalinta anay shaqadooda ahayn, in ay ku dhawaaqaan goorta uu dhacayo liisakanka axsaabtu, isaga oo madaxweynha ku eedeeyay in uu usoo yeedhiyay warka ay warbaahinta la wadaageeen.

“Guddidaasi meel ay kasoo gasho arrinta axsaabta ma jirto, waxan u arkaa uun wax loo yeedhiyay oo lagu yiri sidaa dhaha, oo madaxweyne Muuse Biixi ku yiri, waxaanu qabnaa in ay sharci daro tahay, axsaabtu sharci ayay ku fadhiyaan” ayuu yiri Waraabe.

- Advertisement -

Waxa uu sheegay in xisbiyadu ay kali ah sharciyadooda waayi karaan marka inta ay doorasho galaan, laga adkaado ee xisbiyo kale badalaan, isagoo sheegay in sida madaxweynaha iyo golaha guurtida ay xisbiyadu usii joogi doonaan iyadoo mudadoodii sharciga ahayd dhamaatay.

“Waxay waayi karaan meeqaam kooda iyaga oo doorasho gala, oo doorashada waaya, oo xisbi kale badalo, waa sida uu isaguba u fadhiyo isagoo wakhtigiisii dhamaaday, oo uu hadana magicii madaxweynaha wali sito, waa sida guurtidu ay u fadhido ee wakhtigoodi dhamaaday” ayuu yiri Waraabe.

Waxa uu sheegay in go’aanka guddida diwaangalintu aanu soconayn, isla markaana uu madaxweyne Muuse Biixi doonayo in uu Gobaladda Waqooyi baabiiyo, isaga oo sheegay in uu madaxweynuhu hay’addaha doorashooyinka faragalin ku hayo.

Abdilahi Geel-maal, Axadle

This website uses cookies to improve your experience. We'll assume you're ok with this, but you can opt-out if you wish. Accept

Privacy & Cookies Policy