Dowlad degaanka Soomaalida oo beenisay inay jiraan dad gaajo iyo haraad ugu dhintey tuulooyin hoostaga degmada Ceelkarri ee gobolka Afdheer

Arbaco, January, 25, 2023 (AX) – Xukuumadda dowlad degaanka Soomaalida ayaa waxba kama jiraan ku tilmaantay warar maalinimadii shalay lagu baahiyay Warbaahinta oo sheegayay in degmada tuulooyin hoostaga degmada Ceelkarri ee gobolka Afdheer ay abaarta halkaa ka jirta darteed dad badan ugu geeriyoodeen, sida ay sheegeen dadka ku dhaqan degmada Ceelkarri.Haddaba Guddoomiyaha degmada Ceelkarri Axmed deeq Gaabow oo Warbaahinta la hadlay ayaa sheegay inaysan waxba ka jirin dhimashada la leeyahay dad ayaa gaajo darteed ugu geeriyoodeen tuulooyin hoostaga degmada Ceelkari, guddoomiyuhu wuxuu qiray inay jirto Abaar daran balse waxa uu beeniyay in Abaarta jirta iyo gaajo darteed ay dad ugu dhinteen tuulooyinka hoos yimaadda degmada Ceelkarri.

Dhinaca kale guddoomiyuhu waxa uu xusay inay degmada Ceelkarri iyo tuulooyin hoos yimaadda ay wakhti xaadirkan ka jirto Abaar daran oo isku badashay macaluul, isla markaana waxyeelaysay dad iyo duunyaba, balse waxa uu carrabka ku adkeeyay inay xaaladaha ay keenayso Abaarta ka jirta aagaas ay yihiin kuwo ay Xukuumadda degaanka Soomaalidu la socoto, oo hadba waxay dadkaasi u baahan yihiin oo gargaar iyo gurmad kaleba la gaarsiiyo, waa siduu hadalka u dhigay Guddoomiyaha degmada Ceelkarri Axmed deeq Gaabow.

- Advertisement -

Ugu dambayn guddoomiyaha ayaa xusay in xaaladda Abaareed ee ka jirta degmada Ceelkarri ay siyaasadaynayaan dad uu ku sheegay inay la shaqeeyaan cadow shisheeye, waa siduu hadalka u dhigay Axmed deeq Gaabow Guddoomiyaha degmada Ceelkarri.

Meelo kale duwan oo kamid ah dowlad degaanka Soomaalida ayaa waxaa ka jirta Abaar si xooggan u saameysay dad iyo duunyaba.

This website uses cookies to improve your experience. We'll assume you're ok with this, but you can opt-out if you wish. Accept

Privacy & Cookies Policy