Wasiiradda Gaashaandhiga Soomaaliya iyo Masar oo kulan ka yeeshay iskaashiga labada Wasaaradood

Talaado, Luulyo, 26, 2022 (AX) – Wasiirka Wasaaradda Gaashaandhiga Xukuumadda Fedaraalka Soomaaliya Cabdulqaadir Maxamed Nuur ayaa kulan kula qaatay magaalada Qaahira ee dalka Masar dhigiisa dalkaasi Jenaraal Maxamed Axmed Zaki.Labada wasiir ee Wasaaraddaha Gaanshaandhiga dalalka Soomaaliya iyo Masar ayaa ka wada hadlay sidii loo adkeyn lahaa xiriirka iyo iskaashiga labada Wasaaradood ee difaaca Soomaaliya iyo Masar si isku xirkooda sare looga qaado heerka uu joogo.

“Waxaan kulan miro dhal ah la qaatey dhigeyga dalka Masar Gen. Mohamed Ahmed Zaki Mohamed, waxaana ka wada hadalney xoojinta iyo iskaashiga labada Wasaaradood” ayuu yiri Wasiirka Gaashanadhigga Soomaaliya Cabdulqaadir Maxamed Nuur.

Kulanka dhexmaray Wasiirka Gaashaandhga Soomaaliya iyo dhigiisa dalka Masar ayaa imaanaya xili dalkaasi uu ku sugan yahay Hogaamiyaha Soomaaliya Xasan Sheekh Maxamuud oo isna halkaasi kulamo xasaasi ah kula yeeshay dhigiisa Hogaamiyaha dalka Masar Cabdifataax Al-siisi

Dowladda Masar waxay kamid tahay dowladaha Afrika ugu hormarsan dhanka ciidanka, waxayna door firfircoon ku leedahay ciidamada Nabad ilaalinta ee Qaramada Midoobay kuwaas oo ka howlgala wadamo badan.

This website uses cookies to improve your experience. We'll assume you're ok with this, but you can opt-out if you wish. Accept Read More