Hogaamiyaha Soomaaliya Xasan Sheikh oo maanta ku wajahan dalka Kenya

Khamiis, July 14, 2022 (AX) – Madaxweyne Xasan Sheekh Maxamuud iyo wafdi oo hoggaaminayo ayaa maanta oo khamiis ah socdaalkiisii ugu horreeyay tan iyo markii la doortay ku tagaya dalka Kenya, halkaas oo booqasho labo cisho ah ku joogi doono.Hogaamiyaha Soomaaliya ayaa la kulmidoona madaxweynaha Kenya Uhuru Kenyatta, iyadoo la filayo inay kawada hadlaan arrimo ku saabsan dib ufurida ganacsiga labada dal iyo xuduudaha.

Dowladda Kenya ayaa horay u sheegtay in Madaxweyne Xasan Sheekh uu tegi doono Magaalada Nairobi, islamarkaana heshiis ku saabsan dib u fasixida khaadka (jaadka) uu la saxiixan doono Uhuru Kenyata.

Safarkan uu Xasan Sheikh ku tagayo Magaalada Nairobi ayaa noqonaya kii afaraad oo dibadda ah tan iyo markii Hogaamiyaha loo doortay bishii May ee sannadkan.

Tegitaankiisa Hogaamiyaha Soomaaliya ee Magaalada Nairobi ayaa bilow u noqoneysa dib u soo nooleynta xiriirkii Soomaaliya iyo Kenya oo labadii sano ee u dambeeyay mugdi ku jiray intii uu xilka hayay madaxweyne Farmaajo.

This website uses cookies to improve your experience. We'll assume you're ok with this, but you can opt-out if you wish. Accept Read More