Hogaamiyaha soomaaliya oo u sheegay dhiggiisa kenya inuusan ka qeyb galayn shirka IGAD ee Nairobi

Talaado, Luulyo, 5, 2022 () – Hogaamiyaha Soomaaliya Xasan Sheekh ayaan ka qaybgeli doonin shirka hoggaamiyeyaasha dalalka ku midaysan urur gobaleedka IGAD, kaas oo maanta ka furmaya magaalada Nairobi ee caasimadda dalka Kenya.Madaxwaynaha Soomaaliya oo laga sugayey inuu Nairobi ka dego, ayaa booqasho rasmi ah ku jooga magaalada Ankara ee caasimadda Turkiga, Waxaana halkaas uga bilowday booqasho rasmi ah iyo wada xaajoodyo uu la yeelan doona madaxda dalka Turkiga.

Bogga Africa Intelligence oo soo xiganaya Masuuliyiin Kenyaan ah ayaa sheegay in madaxweyne Xasan sheikh uu xilli dambe ku wargeliyey Uhuru Kenyatta, in aanuu kasoo qayb geli doonin Shirka IGAD, oo ay Kenya  aad u doonaysey in Xasan Sheikh uu kasoo qaybgalo shirkan.

Kenya ayaa inuu madaxweynaha Soomaaliya yimaado Nairobi u arkaysey mid aad ugu muhim ah si ay arrimo dhaqaale iyo ganacsi u badan u gala hadasho.

Sylvanus oo ah siyaasi kenyaan ah ayaa baaqashada shirka ee madaxweynaha Soomaaliya ku tilmaamay halaag iyo rajo xumo ku yimid dib ufurida ganacsiga Qaadka.

Shacabka Kenya waxay sugayeen madaxweynaha Soomaaliya ama Ra’iisul wasaaruhu midkood inuu shirka kasoo qayb galo, kadibna Soomaaliya lagala heshiiyo inay fasaxdo Qaadka Kenya oo ay ku tiirsanaayeen nolosha Malaayiin muwaadin Keenyaan ah, laakiinse rajadii dadku filyeen god dheer ayay kusii dhacday, sida uu sheegay Sylvanus.

This website uses cookies to improve your experience. We'll assume you're ok with this, but you can opt-out if you wish. Accept Read More