Garaad Jaamac: Hadii Muuse uu ciidankiisa la bixi waayo indhihiisa oo shan ah ayaanu ka saaraynaa

Garaad Jaamac: Hadii Muuse Uu Ciidankiisa La Bixi Waayo Indhihiisa Oo Shan Ah Ayaanu Ka Saaraynaa

Khamiis, Juun, 8, 2023 (AX) – Garaad Jaamac Garaad Ismaaciil ayaa madaxweynaha Gobaladda Waqooyi ugu baaqay in uu ciidankiisa ka saaro gobolada SSC isaga oo sheegay in ay xoog kaga saari doonaan hadii aanu la bixin.Waxa uu sheegay in anay nabada diidanayn, lakiin ay difaacayaan dhulkooda oo uu sheegay in Gobaladda Waqooyi kusoo duushay, isaga oo sheegay in dagaalka ay ku jiraan ay diinta qiil uga heleen.

“Anagu nabad ma diidanin lakiin marka gurigaaga lagu jiro, oo lagugu qabsado, anagu intaanaan dagaal qaadin culimada ayaanu waydiinay, culimadu waxay nagu yidhaahdeen ninka gurigaaga kugu yimaada hadii aanad iska celin dayuus ayaad noqonaysa” ayuu yiri Garaad Jaamac.

- Advertisement -

Waxa uu sheegay in qabaa’ilka deegaanada wada dagaa ayna is haynin, lakiin ay is hayaan iyaga iyo xukuumada Hogaamiye Biixi isaga oo sheegay in Biixi uu ka qoomamoon doono dagaalka.

Hogaamiye Biixi ayuu ugu baaqay in uu ciidanka Gobaladda Waqooyi ka saaro deegaanada SSC isaga oo sheegay in hadii sidaa la samayn waayo ay xoog ciidanka Gobaladda Waqooyi ku saari doonaan.

“Waanu u sheegnay markuu diidayna waxaanu maanta idiin caddaynaynaa in aanaan anagu cidna duulaan ku ahayn, madaxweynahana waanu u sheegnay haduu hada ciidankiisa la baxayo waanu nabad galinaynaa hadiise uu ka bixi waayo indhihiisa oo shan ah ayaanu ka saaraynaa” ayuu yiri Garaad Jaamac.

Garaadka iyo wafti uu hogaaminayo ayaa baryahanba ku sugnaa magaalada Muqdisho iyaga oo kulan la yeeshay madaxda dowlada federaalka.

This website uses cookies to improve your experience. We'll assume you're ok with this, but you can opt-out if you wish. Accept