Sky Sports Oo Saadaalisay Kulamada Isbuuca 9aad Ee Premier

4

Sky Sports ayaa saadaal ka bixisay kulamada wareega sagaalaad ee horyaalka Premier League iyadoo kulamo xiiso badan la ciyaarayo oo ay ka mid tahay kulanka u dhaxeeya Tottenham iyo Manchester City.

Tababarayaasha xafiiltanka weyn uu ka dhaxeeyo ee Jose Mourinho iyo Pep Guardiola ayaa Sabtida isaga horimaan doona Waqooyiga London iyadoo Sky Sports ay saadaalisay in Spurs ay 1-0 kaga badin doonto kooxda Sky Blues.

Isla Sabtida Chelsea ayaa u safreysa kooxda Newcastle United iyadoo Sky Sports ay saadaalisay in Blues ay 2-0 kaga badin doonto kooxda Newcastle.

Man United oo Old Trafford ku soo dhaweyneysa West Brom Sabtida ayaa loo saadaaliyay guul ah 3-0 taasoo haddii ay dhab noqoto cadaadiska ka qaadi doonta tababare Ole Gunnar Solskjaer.

Axada kooxda Arsenal oo guuldarro ka soo gaartay Aston Villa kulankoodii ugu danbeeyay ee Premier League ayaa booqan doonta Leeds United iyadoo la saadaaliyay in Gunners ay 2-1 ku badin doonto.

Kooxda horyaalka difaacaneysa Liverpool ayaa Anfield kula balansan kooxda hogaamineysa horyaalka ee Leicester City, waxay Sky Sports saadaalisay in Liverpool ay 3-1 ku badin doonto.

SAADAASHA SKY SPORTS EE KULAMADA PREMIER LEAGUE:

Sabti

Newcastle 0-2 Chelsea

Aston Villa 3-2 Brighton

Tottenham 1-0 Man City

Man United 3-0 West Brom

Axad

Fulham 2-1 Everton

Sheffield United 0-1 West Ham

Leeds United 1-2 Arsenal

Liverpool 3-1 Leicester City

Isniin

Burnley 0-1 Crystal Palace

Wolves 1-1 Southampton

 

This website uses cookies to improve your experience. We'll assume you're ok with this, but you can opt-out if you wish. Accept Read More