Ciyaaryahanka garabka weerar ee kooxda Brentford iyo xulka qaranka Algeria ee Said Benrahma ayaa lagu soo warramayaa inuu ku dhacay tijaabada caafimaadka oo uu u marayay kooxda Premier League ee West Ham United.
Related Posts
Said ayaa qarka u fuushanaa inuu Hammers ku biiro maanta oo ah maalinta ugu dambaysa suuqa kala iibsiga ee gudaha England balse qandaraaska 25-ka Milyan ee Pound ah ee uu London Stadium kaga degayay ayaa halis ku jira.
Sida uu sheegayo wargeyska Daily Mirror oo ah midka xogtan laga helayaa, dib u dhaca ah in Benrahma uu ku dhacay tijaabada caafimaadka ee West Ham United ayaa ah mid kamida caqabado dhawr ah oo kooxda ree London ku qabsaday saxeexiisa.
