Zinedine Zidane ayaa soo saaray liiska ciyaartoyda Real Madrid ee habeenka talaadada wajaheysa Athletic Bilbao, waxaana ka maqan xiddig muhiim ah.
Real Madrid ayaa garoonkeeda Alfredo di Stefano ku marti galin doonta kooxda Athletic Bilbao oo ka mid ah kooxaha ugu adag La liga, waxaana Zidane ka maqnaan doona ciyaartoy muhiim ah oo uu u baahan yahay.
Xiddiga reer Brazil ee Neymar ayaan ku jirin liiska ciyaartoyda Real Madrid wuxuuna ganaax ku seegi doonaa kulanka kadib markii uu qaatay kaadh hurdi ah ganaaxii shanta kaadh ahaa ee Sabtidii, taas oo sharcigu dhigayo.
Casemiro oo si aad ah uga soo shaqeeyay guushii ay Atletico Madrid ka gaadhay 2-0 isla markaana dhaliyay gool ayaa helay kaadhka digniinta ah ee uu khalad ku galay kubbada.
Los Blancos ayaa isku dayday inay dheereyso ganaaxa Casemiro kulanka soo socda, laakiin dalabkaas waxaa diiday maamulka LaLiga.
Real Madrid oo garaacday Sevilla, Borussia Monchengladbach iyo Atletico Madrid seddexdii kulan ee ugu danbeysay, ayaa wajaheysa kulan kale oo adag oo ay la ciyaarayaan Athletic Bilbao.
Zidane ayaa sidoo kale laga saaray dhaawacyada Eden Hazard iyo Martin Odegaard, halka Mariano Diaz iyo Luka Jovic ay iyagana dhaawacyo uga maqnaayeen.
Karim Benzema ayaa ah weeraryahanka kaliya ee Real Madrid ee safka koowaad ee Zidane, laakiin sidoo kale waxaa jira daafacyo buuxa iyo Fede Valverde oo khadka dhexe ka dheela oo ay wehliyaan Kroos, Modric iyo Isco.
Waa tan liiska kooxaha Real Madrid ee kulanka Athletic Bilbao:
Goolal: Courtois, Lunin iyo Altube.
Daafacyada: Carvajal, E. Militão, Sergio Ramos, R. Varane, Nacho, Marcelo, Odriozola iyo F. Mendy.
Dhexda: Kroos, Modrić, Valverde iyo Isco.
Weerarka: Benzema, Asensio, Lucas V., Vini Jr. iyo Rodrygo.
