#Xukumadda oo ka hadashay qeybtii ay ka Qadatey dilka Hogamiyaha Daacishta Soomaaliya

12,424

- Advertisement -

Dowladda federaalka ah ayaa markii ugu horeysay war kasoo saartay dilka ku xigeenkii hogaamiyaha Daacish garabka Soomaaliya.

- Advertisement -

Cabdixakiim Maxamed Ibraahim [Dhoqob] ayaa lagu khaarijiyay weerar cirka ah oo Axadii lagula beegsaday tuulada Xiriiro ee gobolka Bari.

Wakaalada wararka u faafisa dowladda ayaa sheegtay in kumaandooska Soomaaliya ay ka qayb qaateen howlgalka lagu dilay Dhoqob.

“Howlgalka waa mid ka mid ah dadaalada lagu wiiqayo awoodda Argagixisada laguna badbaadinayo Shacabka,” ayay SONNA kasoo xigatay sarkaal.

Sidda ay sheegeen goobjoogayaal, diyaarad ayaa dhowr gantaal ku dhufatay gaari uu la socday Dhoqob oo uu wehliyey ruux kale.

Wali lama ogga waxa uu ahaa shaqsiga kale, inkasta oo warar soo baxaya ay sheegayaan in uu ahaa darawalkiisa.

“Ciidanka Qaranka iyo saaxiibadooda Caalamiga ah waxey u taaganyihiin in cadowga uusan heli gabaad,” ayuu sarkaalku daba dhigay hadalkiisa.

Balse wakaaladda ma aysan shaacin dalka leh diyaaradda howlgalka fulisay, wallow Mareykanka looga bartay weeraradaan oo kale.

Hadii la xaqiijiyo, waxa ay noqoneysaa duqeyntii saddexaad oo uu Mareykanka ku beegsado Daacishta ku dhuumaaleysanaysa buuraleyda gobolka Bari.

Bishii November 2017-kii ayay ahayd markii laba weerar oo cirka ah oo uu mid ka badbaaday hogaamiyaha Daacishta Soomaaliya uu Mareykanku qaaday.

Wasiirka Amniga Puntland, Cabdisamad Maxamed Gallan, ayaa xusay in geerida Dhoqob ay soo dardargeliso ciribtirka kooxaha argagaxisada ah. [Halkaan ka akhriso fahfaahinta]

Sidda ay sheegeen dadka yaqaano Cabdixakiin Dhoqob, waxa uu sanadkii 2015-kii kasoo goostay Al-Shabaab, si uu door ugu yeesho aas-aaska Daacishta Soomaaliya oo la tilmaamay in ay haysato 200 illaa iyo 300 dagaalame.

- Advertisement -

Comments
Loading...

This website uses cookies to improve your experience. We'll assume you're ok with this, but you can opt-out if you wish. AcceptRead More