Mahas (Axadle) – Saraakiisha qeybta 27-aad ee ciidanka xoogga dalka ee ka howlgasha gobolka Hiiraan ayaa faah faahin ka bixiyay dhimashada ka dhalatay weerar ay dagaalyahanno ka tirsan Al-Shabaab ku qaadeen duleedka degmada Maxaas shalay galab.
Saraakiisha hogaamineysay howlgalka ayaa sheegay inay ka war heleen weerarada qorsheysan ee Al-Shabaab, waxaana halkaasi ka dhacay dagaal culus oo u dhaxeeyay Al-Shabaab iyo ciidamada dowladda.
Dagaalka ayaa ka dhacay Tuulo lagu magacaabo Qulaale oo u dhaxeysa Degmooyinka Cali-Ganey iyo Maxaas ee Gobolka Hiiraan waxaana lagu dilay 7 ka mid ah Maleeshiyadii Dagaalamay sida ay sheegeen Saraakiisha.
Saraakiisha ayaa sidoo kale sheegay in Al-Shabaab ay gubeen gaadiidkoodii iyo saldhigyadii ay ku lahaayeen tuulada, laakiin waxay ka gaabsadeen inay ka hadlaan dhibanayaasha.
Dagaalyahanada Al-Shabaab oo ku xoogan gobolada dhexe iyo kuwa koonfureed ee dalka ayaa inta badan weerara fariisimaha ciidamada dowlada mararka qaarna ay u geystaan qasaaro lixaad leh, laakiin hada waxaa la sheegayaa in lagu bartilmaameedsaday qorshe lagu weerarayo ciidamada dowlada.
