Wax ka baro taariikhda ragga ugu cad-cad in ay bedelaan Baqdaadi

332,517

BAQDAAD, Ciraaq – Mareykanka ayaa si rasmi ah ku dhawaaqay in uu dhintay hogaamiyihii Daacish, Abuubabar Al-Baqdaadi, wallow dunida ku kala qeyb-santay.

- Advertisement -

Sidoo kale Washington ayaa weerar dhanka cirka ah ku khaarijisay Abu Hassan al-Muhajir, oo ahaa afhayeenkii kooxda la magac baxday dowlada Islaamka.

Al-Muhajir, oo xilka loo magacaabay sanadkii 2016-kii, ayaa lagu sheegay in uu horjoogihii ugu cad-cadaa in uu bedelo aas-aasihii kooxdaas argagixisada ah.

Dilka labadan sarkaal ayaa la sheegay in ay dharbaaxo ku noqon doonto howlgalada waaweyn oo ay kooxda fuliso.

Dadka qaarkii waxay rumeysan yihiin in ay adkaan doonto in kooxdu hesho bedel wanaagsan, wallow kuwa kale ay naqdiyeen.

Xeel-dheereyaasha u duul-daloola arrimaha ISIL ayaa soo bandhigay labadda qof oo ay sheegeen in ay noqon karaan bedelka Baqdaadi.

Abu Othman al-Tunsi iyo Abu Saleh al-Juzrawi oo loo yaqaano Xaaji Cabdullaahi ayaa lagu sheegay murashaxiinta ugu dhow in ay xilka qabtaan.

Al-Tunsi oo kasoo jeeda waddanka Tunisia ayaa waxaa uu haatan yahay Madaxa Golaha Shuurada oo ah xubin sharcidejin.

Shaqsiga labaad oo u dhashay Sacuudi Carabiya ayaa hogaamiya ay wax ay ugu yeeraa Guddiga Wafuuda oo ah Laanta Fulinta.

Xaaji Cabdullaahi ayaa si gaar ah farta loogu fiiqayaa in uu yahay ninka aadka loogu saadaalinayo in uu noqon doono Amiirka xiga ee ISIL.

Sikastaba ha ahaatee, waxaa aad isha loogu hayaa falcelinta ay Daacish ka sameyso dhimashada Baqdadaadi iyo qaabka ay u maareyso bedelkiisa.

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More