Degmada Baladxaawo ee gobolka gedo ayaa ka bilawday biyo dhaamin loo sameynayo qoysaska ay saameysay abaaraha ku dhuftay degmooyinka gobolkaasi ee DG Jubbaland.
Guddi iskaa wax u qabso ah oo ka socda qeybaha kala duwan ee bulshada ee loo xilsaaray taakulaynta dadka ay abaaruhu saameeyeen ee gobolka Gedo ayaa bilaabay biyo dhaamin loo sameynayo qoysaska ku nool dhulka miyiga ah iyo meelaha oomanaha ah, waxaana ka qeyb qaadanaya shaqadan 17 biyood. si ay u sii joogaan degitaanadooda.
Degaanada maanta la gaarey ayaa u dhexeeya degmooyinka Baladxaawo, Ceelwaaq iyo Garbahaarey, sida uu sheegay Xasan Xaayow oo xubin ka ah guddiga gurmadka abaaraha.
Guddiga ayaa tilmaamay in kaalmadan aysan ku filneyn qoysaska biyo u baahan ee u badan xoola dhaqatada, laakiin kaalmadan ay tahay mid bilow ah, maadaama qoysaskan lagu haysto biyo, taas oo nolosha qeyb muhiim ah ka ah.
“Biyo gelinta degmooyinka gobolka Gedo waa howl u baahan taageero fara badan, waxaan u istaagnay inaan bilowno howlaha gurmadka, waxaan bilownay inaan biyo ku aruurino lacag yar oo loogu tala galay dadka ka baxsan magaalada, cidkasta oo gacan ka geysan karta kuwan dadku waa inay ka qaybgalaan. “ Ayuu yiri Xasan Xaayow oo ka mid ah guddiga.
Degmooyinka Gobolka Gedo ayaa waxaa gacanta ku haya DFS oo geysay ciidamo aad u tiro badan, laakiin ka gaabisay gurmadka loo fidinayo dadka iyo duunyada ay abaaruhu saameeyeen, halka DG Jubbaland ay sheegtay inay tahay faraha ka baxay gobolka.
Axadle
