#Soomaaliya Iyo Mareykanka oo kawada hadlay doorashada 2020-21

25,515

MUQDISHO, Soomaaliya – Magaaladda Muqdisho, caasimadda Soomaaliya, waxaa Isniintii ku kulmay afhayeenka Aqalka Sare iyo danjiraha Mareykanka.

Cabdi Xaashi Cabdullaahi iyo Donald Yamamoto ayaa waxaa shirkooda ku wehliyay mas’uuliyiin heer sarre ah oo ka kala socday labadda dhinac.

Xubnahan ayaa waxay kawada hadlay doorashoyinka soo socda, shuruucda horyaala Aqalka Sare, hanaanka deyn cafinta iyo dib u dhiska waddanka.

Sidda ku cad war kasoo baxay Aqalka Sarre, dhinacyadda ayaa sidoo kale waxay isla soo qaadeen dib u dhiska ciiidamada xooga iyo deeqaha Mareykanka.

Soomaaliya ayaa sanadka 2020-21 waxay isku diyaarineysaa doorasho qof iyo cod ah, taasi oo ay ku tartamayaan xisbiyadda siyaasadeed ee ka jira dalka.

Baarlamaanka Federaalka ah ee Soomaaliya ayaa haatan ku howlan diyaarinta sharciga doorashooyinka, markii maamulada ay qaadaceen xeerkii hore.

Illo wareedyo ayaa tibaaxaya in Xaashi iyo Yamamoto ay kawada xaajoodeen xiriirka maamulada iyo dowladda federaalka ah kaasi oo aanan hagaagsaneen.

Sikastaba ha ahaatee, Mareykanka ayaa safka hore wuxuu uga jiraa dowladaha Soomaaliya ka taageera dhinacyadda amniga, siyaasadda iyo dhaqaalaha.

Comments
Loading...

This website uses cookies to improve your experience. We'll assume you're ok with this, but you can opt-out if you wish. AcceptRead More