#Sawirro: Madaxweynaha Jabuuti oo si weyn loogu soo dhaweeyay Magaalada Muqdisho

6

Wafdi ballaaran oo u hoggaaminaayo Madaxweynaha dowladda Jabuuti ayaa goor dhow soo gaaray Muqdisho, waxaana garoonka Aadan Cadde kusoo dhaweeyay Madaxweynaha Soomaaliya Maxamed Cabdullaahi Farmaajo.

Wafdiga madaxweynaha Jabuuti mudane Ismaaciil Cumar Geelle waxaa ka mid ah 4 wasiir, 9 xildhibaan oo baarlamaanka Jabuuti ka mid ah, masuuliyiin ka tirsan madaxtooyada, saraakiil ciidan, abwaano iyo fanaaniin.

Xubnaha la socda wafdiga Madaxweynaha  Jabuuti ayaa waxaa kamid ah fanaaniin Soomaaliyeed oo muddo dheer dalka ka maqnaa waxaana ka mid ah fanaaniintaas Xasan Aadan Samatar oo degen magaalada Jabuuti iyo weliba Axmed Cali Cigaal.

Madaxweyne Geelle ayaa xariga ka jari doona Safaaradda Cusub ee Jabuuti oo ku taalla degmadda Cabdicasiis ee gobolka Banaadir, taasoo la dhagax dhigay 2017-kii.

Wasiiru dowlaha Arrimaha Dibadda Soomaaliya C/qaadir Axmed Kheyr ayaa sheegay in Madaxweyne Ismaaciil Cumar Geelle iyo wafdi la socda Madaxweynaha ay dhankooda kulamo la qaadan doonaan madaxda Dalka, kaasi oo looga hadli doono xiriirka iyo Iskaashiga labada dal iyo sidii loo adkeyn lahaa.

Booqashadiisa oo qaadan doonta labo maalin ayuu sidoo kale ku tagi doonaa Magaalada Beledweyne oo ay ku sugan yihiin Ciidanka dowladda Jabuuti ee qeybta ka ah howlgalka AMISOM ee Wiilwalaal.

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More