28-kii Diseembar 2019, qarax aad u xooggan ayaa ku dhowaad 100 qof ku dilay Ex-Control Afgooye
Maanta oo kale, 28 December 2019, gaari waxyaabaha qarxa laga soo buuxiyay ayaa ku qarxay isgoyska Ex-Koontarool Afgooye ee magaalada Muqdisho, halkaas oo ay ku dhinteen ugu yaraan 100 qof ayna ku dhaawacmeen 150 kale. Afgooye xilligaas mashquul buu ahaa.
Dadka dhintay waxaa ku jiray arday saarnaa bas ay leedahay Jaamacadda Banaadir ee magaalada Muqdisho, waxaana tirada ardayda lagu sheegay inay gaareyso 12, sida ay sheegeen maamulka jaamacadda.
Laba Injineer oo u dhashay dalka Turkiga oo dhisayay wadada isku xirta Muqdisho iyo Afgooye ayaa ka mid ahaa dadka ku dhintay weerarka, waxaana wararka qaar ay sheegayaan inay bartilmaameedsadeen, gaari ay saarnaayeen oo aan xabada karin ayaa ku dhacay goobta.
Sidoo kale waxaa ku dhintay dad rayid ah, ganacsato iyo tiro ka tirsan ciidamada booliska oo ku sugnaa goobta uu qaraxu ka dhacay oo ay deganeyd xarunta wasaaradda maaliyadda Soomaaliya
Qoraal ka soo baxay Wasaaradda Caafimaadka Soomaaliya ayaa u qornaa sidan.
Tirada guud ee dhaawaca la seexiyay: 148 Tirada dadka la seexiyay: 132 Tirada dadka la seexiyay: 16 Wadarta dhimashada: 79
Gudoomiyaha Gobolka Banaadir Cumar Finish, kuxigeenadiisa iyo Taliyaha Booliska Jeneraal Hijar oo tagay goobta uu qaraxu ka dhacay ayaa sheegay in qaraxan uu geystay qasaaraha ugu badan kadib qaraxii 2017 ka dhacay isgoyska Zoobe ee Magaalada Muqdisho.
Wargeys kasoo baxa dalka Turkiga ayaa qoray in xog ay heleen ay muujineyso in qaraxii 28-kii bishii Diseembar ee Ex-Koontarool Afgooye ay ka dambeysay Imaaraatka Carabta oo siyaasad ahaan diidan howlaha Turkiga ka wado Soomaaliya iyo dalal kale. .
Wargeyska YeniSafak ayaa qoray in Dhaxal sugaha Imaaraatka oo ay ku dhinteen in ka badan 100 ruux ay bartilmaameedsadeen shaqaale Turki ah oo ka shaqeynayay wado laami ah.
30/12/2019 Hay’ada Sirdoonka iyo Nabadsugida ee NISA ayaa qoraal ay soo dhigtay barteeda Twitter-ka ku sheegtay in dowlado shisheeye ay ku lug lahaayeen weerarka, inkasta oo aysan magacaabin.
“Waxaan u gudbinay masuuliyiinta qaranka, warbixin bilow ah oo muujinaysa in xasuuqii shacabka Soomaaliyeed loogu geystay magaalada Muqdisho, 28-December-2019, waxaa qorsheeyay dal shisheeye, si loo dhameystiro baaritaanka socda, waxaan la shaqeyn doonaa qaar ka mid ah sirdoonka caalamiga. wakaaladaha. ”
Sannad kadib, ma jirto wax faahfaahin ah oo ku saabsan weerarka oo ay soo saartay Hay’adda Nabad Sugidda iyo Sirdoonka Qaranka Soomaaliya.
Hogaamiyaasha mucaaradka ayaa dhaleeceeyay hadalkaasi oo shaki galiyay kalsoonida lagu qabo laamaha amaanka dowlada federaalka. Waxay sidoo kale kicisay su’aalaha dadweynaha.
Axmed Fiqi oo ahaa taliyihii hore ee NISA ahna afhayeenka Madasha Qaranka ayaa qoraal uu soo dhigay bartiisa Facebook ku sheegay inay tahay siyaasad iyo loolan u dhexeeya dowladaha qaar oo uusan carabaabin, laakiin ay muuqato inuu ula jeedo Imaaraadka iyo Qatar.
“Waxay wakaaladda NISA ka wadashaqeysaa sirdoonka caalamiga ah waxay noqon doontaa tijaabooyin, waxay looga baahan yahay hay’adaha dowliga ah inay ku yiraahdaan?! Si loo ogaado in baaritaanka la siyaasadeeyay.” ayuu yiri Xildhibaan Fiqi.
Dhanka kale, Hogaamiyaha Xisbiga Wadajir C / raxmaan C / shakuur Warsame ayaa ka horyimid warka kasoo baxay NISA ee ah in dal ajnabi ah uu qorsheynaayo qarax ka dhaca Ex-Control Afgooye 28-ka bishaan.
Jawaab deg deg ah oo uu soo dhigay bartiisa Facebook ayuu ku yiri Ujeedada qoraalkan ma ahan oo kaliya in shacabka lagu marin habaabiyo fashilka laamaha amniga, laakiin sidoo kale waa in loo weeciyaa eedeynta xasuuqa ka dhanka ah argagixisada Al Shabaab, waxaa la dhihi karaa tani waxay ka badan tahay iskaashiga Shabaab... ”
30/12/2019, Afhayeenka Al-Shabaab Sheekh Cali Maxamuud Ragi (Cali Dheere) oo la hadlay warbaahinta Al-Shabaab ayaa sheegay in weerarka lagu bartilmaameedsaday kolonyo gaadiid ah oo ay la socdeen ciidamo Turki iyo Soomaali isugu jira, isla markaana qasaare lixaad leh lagu gaarsiiyey.
Afhayeenka Al-Shabaab Sheekh Xasan Daahir Aways oo ka hadlay sababaha ay u diideen in magaciisa la shaaciyo ayaa sheegay in duqeyntan oo dhacday galabnimadii maanta ay ka dhacday afaafka hore ee saldhigga booliska ee magaalada Muqdisho.
Sanad ka hor maanta Qaraxyadii Ex-Koontarool Afgooye miyaa halkaa looga joogaa?
