#Masar oo ballanqaadday taageeridda midnimada Soomaaliya

17,910

Madaxweynaha Dalka Masar C/Fitaax Al Sisi ayaa Magaalada Qaahira kula kulmay Madaxweynaha Soomaaliya Maxamed Cabdullahi Farmaajo iyo madax kale oo ka socda Afrika.

Madaxweyne Sisi ayaa kulanka uu la qaatay dhiggiisa Soomaaliya ku sheegay in Masar ay sii wadeyso taageeradeeda xoogga leh ee la xiriirta midnimada Soomaaliya.

Afhayeenka Madaxtooyada Dalka Masar Bassam Rady, ayaa sheegay in Masar ay si xoog leh u taageersantahay midnimada Soomaaliya sidoo kale caawineyso dowladda Soomaaliya.

magaalada Qaahira waxaa maanta ka furmaya shir uu marti geliyay C/Fitaax Al Sisi oo looga hadlayo waxaa ka mid ah xaaladaha dalalka Suudaan iyo Liibiya.

Mr Al Sisi ayaa sidoo kale la kulmay madaxda Waddamada qaar sida Koofur Afrika,Chad, Djibouti, Rwanda, iyo Congo.

Waxaa sidoo kale shirka ka qeybgelaya guddoomiyaha Midowga Afrika, Ra’isalwasaare ku xigeenka Itoobiya, wakiillo ka kala socda dalalka Uganda, Nigeria iyo kuwo kale.

Comments
Loading...

This website uses cookies to improve your experience. We'll assume you're ok with this, but you can opt-out if you wish. AcceptRead More