Senator Max’ed Macallin Maxamuud oo wakiil ka ah ismaamulka Mandheera ayaa sheegay in aan loo dulqaadan karin tabashooyinka ay qabaan dadka soo doorta xilligan adag.
Maxamed wuxuu sheegay in boqolaal taagersan wasiirka amniga Jubbaland oo diyaar u ah inay u dagaallamaan Cabdirashiid Janan ay ku sugan yihiin Mandheera ilaa dhammaadka Maarso 2020.
Mudanaha ayaa sheegay in walwalka ugu badan ee dadka uu ku matalo kursiga ay tahay abaabulka socda, xiisada udhaxeysa labada dowladood oo umuuqata mid hurineysa dagaal & masuuliyad daro.
Wuxuu ku baaqay in loo naxariisto shacabka gobolka oo uu sheegay inaysan u dulqaadan karin in lagu dul dagaallamo sida uu sheegay Senator Maxamed Macallin Maxamuud.
Annaga dan nagama gelin sida ay xaaladdu u egtahay, dagaalka labada dhinac wuxuu dhibaato ku yahay dadkeenna, noloshooda khatar ayey ku jirtaa, waxaan ognahay in xiriirka Kenya iyo Soomaaliya uu xumaadey labadii maalmood ee la soo dhaafay. Sidaasi waxaa yiri Senator Maxamed Macalin Maxamuud oo matala ismaamulka Mandheera.
Dadka deegaanka oo ay hormuud u yihiin waxgaradka waxa ay u tageen saraakiisha Kenya si welwelka ay qabaan wax looga qabto, iyaga oo xalka keliya ka baaqshada dagaal saameyn taban ku yeesha ku tilmaamay in Wasiirka Amniga Jubbaland laga saaro Deegaankooda.
Xigasho: VOA / Future.
