Kismaayo oo soo dhaweysay wafdi ka qeybgalaya caleema saarka

32,547

Qeybta koowaad ee wafuuda kala duwan ee ka qeybgaleysa caleema saarka madaxweynaha Kismaayo, Axmed Madoobe ayaa lagu soo dhaweeyay Kismaayo.

Madaxweyneyaashii hore ee Koonfur Galbeed iyo Galmudug, Shariif Xasan Aadan iyo Cabdikariin Xuseen Guuleed, ayaa qayb ka ah wafdiga maanta ka degay xarunta KMG maamulkaas.

Xildhibaano ka tirsan baarlamaanka federaalka ah, kuwaasi oo tiradooda lagu sheegay 40 ayaa kasoo muuqday mas’uuliyiinta Sabtidan lagu qaabilay madaarka Sayid Maxamed Cabdulle.

Madax ay kamid yihiin labadda ku xigeen ee Axmed Madoobe iyo saraakiil kale oo madaxtooyadda kamid ah ayaa xubnahan u sii gal-biyey baraha loogu talogalay kahor maalinta xafladda.

Warbaahinta ku hadasha afka dowlad goboleedka Jubbaland ayaa waxay baahisay in madax kale ay kusoo wajahan yihiin magaaladda dekadda leh.

Diyaaradda siyaasiyiinta ka dejisay xarunta gobolka Jubadda Hoose ayaa lagu waramayaa in uu leeyahay maamulka Kismaayo ayna ka timid Nairobi, caasimadda Kenya.

Talaabadan ayaa kusoo hagaageysa iyadda oo dowladda federaalka ah ay ku amartay diyaaradaha tegaya Kismaayo in ay soo maraan Muqdisho si hubin loogu sameeyo.

Xafladda caleema saarka ayaa lagu waday in ay qabsoonto 26-ka September balse xayiraadaas dhanka socdaalka waxay ku keentay in ay baaqto walina lama shaacin waqti kale.

Villa Soomaaliya ayaa madaxweynihii 7aad ee dalka, Sheekh Shariif Axmed, waxay bishii hore ka hor-istaagtay in uu ka dhoofo Muqdisho una kicitamo Kismaayo si uu kaga qeybgalo xafladda.

Comments
Loading...

This website uses cookies to improve your experience. We'll assume you're ok with this, but you can opt-out if you wish. AcceptRead More