#In kasto Ay Horey uu Qadacdey Haddana Xukumadda Soomaaliya Ayaa Qeybgaleysa shir ka furmay Nairobi

7,890,022

NAIROBI, Kenya – Dowladda Federaalka Soomaaliya ayaa kasoo muuqatay shir caalami ah oo Arbacadda maanta ah ka furmay magaaladda Nairobi, caasimadda waddanka Kenya.

Dalka leh xeebta ugu dheer qaaradda Afrika ayaa waxaa kulankaasi ku melata Cabdi Saciid Cali, kaasoo ah lataliyaha dhanka amniga ee madaxweyne Farmaajo.

Shirkaasi oo muddo laba maalmood ah socon doono ayaa waxaa si rasmi ah u furay xoghayaha guud ee Qaramadda Midoobay, António Guterres.

Madax kala duwan oo uu ku jiro hogaamiyaha dalka martigelinta shirka, Uhuru Kenyatta ayaa xaadir ku ahaa munaasabadda furitaanka.

Jamciyadda Qurumaha Ka Dhaxeysa ayaa soo agaasintay shirkan oo looga arrinsanayo dagaalka ka dhanka ah argagxisada iyo ciribtirka xagjirnimadda.

Mr Saciid ayaa Twitter-ka ku yiri: “Waxaan matalayaan horumarka ay Soomaaliya ka sameysay siyaasadda, amniga iyo dhaqaalaha taasi oo ah xididka argagixisada, howlgalada xorreynta iyo taageeridda muwaadiniinteena”.

Ka qeybgalka Soomaaliya ee kulankan ayaa imaanayaa iyadda oo ay taagan tahay xurguf u dhaxeysa labadda dowladood oo ku aadan xuduud badeed, ay go’aan ka gaareyso Maxkamadda Cadaaladda Aduunka.

Xiisadaasi oo weli taagan ayaa waxaa meel adag gaarsiisay cilaaqaadka xukuumadaha Muqdisho iyo Nairobi, kuwaasi oo la halgamaya ka adkaanshiyaha kooxda Al-Shabaab.

Madaxtooyadda Soomaaliya ayaa horey u qaadacdey shirar ka dhacay Kenya si gaar ah Nairobi oo uu ku jiro mid ay wada hadalo kula yeelan lahayd wakiilo ka socda maamulka Somaliland.

Dowladda Soomaaliya ayaa horey uga mamnuucay mas’uuliyiinta in ay ka qeybgalaan shirarka Nairobi, wallow aanan la ogayn waxa haatan keenay isbedelka.

AXADLE MEDIA GROUP

Comments
Loading...

This website uses cookies to improve your experience. We'll assume you're ok with this, but you can opt-out if you wish. AcceptRead More