Dhuusamareeb (Axadle)- Wararka aan ka heleyno magaalada Dhuusamareeb waxay sheegayaan in ilaa seddax qof lagu dilay bartamaha magaalada, halka ugu yaraan laba qof oo kale ay dhaawacyo soo gaareen.
Dadkaan oo dhamaantood rag ah ayaa lagu rasaaseeyey goob ay ku sugnaayeen oo qaadka lagu iibiyo oo ku taalla bartamaha magaalada.
Related Posts
Rag ku hubeysanaa qoryo AK-47 ah ayaa geystay weerarkaan, sida ay Axadle u sheegeen dad goobjoogayaal ah
Weli heybtooda lama garan ragga fuliyey weerarkaan oo goobta ka baxsaday.
Ciidamada ammaanka ee ka howlgala Dhuusamareeb ayaa haatan gudaha magaalada ka wada howlgallo balaaran oo lagu baacsanayo raggii fuliyey weerarka khasaaraha nafeed geystay ee caawa ka dhacay axadle Galmudug.
