#Dhimasho iyo dhaawac ka dhashay qarax miino oo ka dhacay magaalada Baydhabo.

37,016

Wararka ka imanaya magaalada Baydhabo ee xarunta gobolka Baay, ayaa sheegaya in xalay halkaasi uu ka dhacay qarax sababay khasaare isugu jira dhimasho iyo dhaawac.

Sida wararku sheegayaan qaraxa oo ahaa Miino dhulka lagu aasay, ayaa ka dhacday meel dadku ay ku abdan yihiin, inkastoo xiliga qaraxa dhacayay oo habeen eheyd ay dadka isaga kala hoydeen goobta.

Sarkaal ka tirsan Booliska Baydhabo, ayaa Warbaahinta Mustaqbal u sheegay in qaraxa uu ku dhintay hal qof oo Shacab ah, sidoo kalena ay dhaawcayo soo gaareen Saddex ruux oo kale, qofka dhintay iyo dadka dhaawaca ah ayaa dhamaantood Shacab ah.

Ciidamada amaanka ee Koofur Galbeed ayaa howlgal ka sameeyay xaafada Wadajir oo ah halka qaraxa uu ka dhacay, lamana soo sheegin cid ay u soo qabteen weerarka.

Si kastaba, majirto cid wali sheegatay mas’uuliyada qaraxan, balse Shabaab ayaa looga bartay qaraxyadan noocan oo kale ah.

Comments
Loading...

This website uses cookies to improve your experience. We'll assume you're ok with this, but you can opt-out if you wish. AcceptRead More