#Bandow Caawa ka dhanqan galay Magaalada Garoowe

5

- Advertisement -

Wararka naga soo gaaraya Magaalada Garoowe ee xarunta Maamulka Puntland ayaa sheegaya in bandow lagu soo rogay ayadoo maalinta beri ah Doorashada Madaxweynaha halkaas ay ka dhaceyso.

- Advertisement -

Mas’uuliyiinta amniga ee Puntland ayaa bandow la xiriira dhaqdhaqaaqa baabuurta kusoo rogay magaalada Garoowe laga bilaabo 5-ta galabnimo ee maanta ilaa ay doorashada maamulku ka dhacayso.

Doorashada madaxweynaha Puntland ayaa dhaceysa maalinta talaadada ee berri ah, waxaana gudaha magaaladaasi laga dareemayaa diyaar garow xoogan oo loogu jiro doorashada.

Hadalkan waxaa magaalada Garoowe kaga dhowaaqay Taliyaha ciidanka booliiska Puntland Jeneraal Muxiyadiin Axmed Muuse.

Taliyaha ayaa sidoo kale sheegay in inta bandowga uu socdo aysan jiri doonin cid loo ogolaanayo inay magaalada soo gasho marka laga reebo mas’uuliyiinta xasaanadda leh iyo musharaxiinta.

Wararka aan Caawa ka heleyno Magalada Garoowe ayaa waxa ay sheegayaan in Bandowgii Galabta lagu soo rogay uu Magalada ka dhaqan galay,isla makaana marka laga reebo mas’uuliyiinta ay inta badan dadka Shacabka ah Guryahooda ku xaroodeen.

- Advertisement -

Comments
Loading...

This website uses cookies to improve your experience. We'll assume you're ok with this, but you can opt-out if you wish. AcceptRead More